راحتِ جاں
راحتِ جاں!
میری بے چینیوں کو چین تو بخش
اے رخِ یار میرے دل کو سہارا دے دے
حسرتِ شہرِ محبت بھی مچل جانے کو ہے
دوائے دید و سُخن مجھ کو کچھ شفا دے دے
ہوائے شہرِ جاناناں!
مژدہِ وصلِ یار تو دے
جنونِ طلب بڑھا مت، مجھے صدا دے دے
راہ تکتے ہوئے برسوں نگاہِ پُر سوزاں
دیدارِ شوقِ دلبراں میں رک گئی سی ہے
نگاہِ شوق کے دے دے جواب سارے اب
نگاہِ ناز سے صحرا ہرا بھرا کر دے
اگر تو آئے تو آجائے نگاہوں کو قرار
دستِ پرجوش عطا ہو تو سما بندھ جائے
سیاہ وجود ہے، بے رنگیوں کا عالم ہے
تیرا بوسہ ہی فقط قوس و قزح ہو جائے
چلے جو ساتھ بہاراں بھی رقص کرنے لگے
ٹھہر کے دیکھ لے مجھ کو نکھار آجائے
نوائے یار ہے مثلِ طنابِ رقص و سُرود
شہد کی شیرینی سن لے تو پھیکی پڑ جائے
نہیں طلب ہے قیامت تلک کسی کی بھی
مجھے نصیب تُو ہوجائے خدا مل جائے
Yusuf
15-May-2023 12:43 PM
Bht khoob
Reply